ئایا دەکرێت بە هێزی دەنگ شت بەرز بکەیتەوە؟!


ڕەنگە لەم ھاوینەدا زۆر چووبن بۆ زەماوەند.
ئەگەر لە نزیک بڵیندگۆکاندا  وێستابێتن، ھیچ کە گوێتان کەڕ بووە، ئەوە لەرەلەریش کەوتووەتە دڵ و جەرگتان . ئەو ھێزە، ھێزی شەپۆلەکانی دەنگە کە ئاوا دەتانلەرێنێت.
ئایا ئەم ھێزی دەنگە، کەڵکی تری ھەیە؟ بە دڵنیاییەوە! زانستمەندەکان لە ھەموو شتێکدا کەڵکێک دەدۆزنەوە. لە چەند ساڵی ڕابردوودا سەدان توێژینەوە لەسەر بەرزکردنەوەی شتەکان بە ھێزی دەنگ لەناو تاقیگەدا کراوە. بۆ نموونە دەکرێت دڵۆپێک خوێن بە شەپۆلی دەنگ بە حەواوە بھێڵیتەوە و توێژینەوەی تری لەسەر ئەنجام بدەیت. زۆر کەڵکی تریش کە جارێ کارمان پێی نییە.
بەڵام بۆ یەکەم جار کۆڕێک لە زانستگای بریستۆلی ئینگلستان، ئامێرێکی دەنگییان دروست کردووە کە ھەموو کەس دەتوانێت بیکڕێت و لە ماڵەوە کەڵکی لێ وەربگرێت. بەم ئامێرە دەتوانن تەنیا بە هێزی دەنگ دڵۆپی ئاو، بەردی چکۆلە یان تەنانەت دەعباشی پێ بەرز بکەنەوە و لە ماڵەوە توێژینەوە بکەن بۆخۆتان. کارەکەشتان وەکوو سیحر دێتە بەر چاو.

وێنە
https://3c1703fe8d.site.internapcdn.net/newman/gfx/news/hires/2017/nowyoucanlev.jpg

سەرچاوە:

https://phys.org/news/2017-08-levitate-liquids-insects-home.html

سەرنج بنووسن