پیاوێکی تەنیا کە گۆمان دەکرێت دوایین بەجێماوی خێڵەکەی بێت لە ئامازۆن بینرا.
فەرمانگەی کاروباری خەڵکە خۆجییەکانی برازیل، کە ئەرکی چاودێریی ئەو کەسانەی لە ئەستۆیە کە دوور لە پەیوەندی و ژیانی مۆدێرن دەژین، ئەم هەفتە ڤیدیۆی لە پیاوێک بڵاو کردەوە کە بە “پیاوی چاڵەکە” دەناسرێت. ڤیدیۆی پیاوەکە کاتێک گیراوە کە بە تەورێک خەریکی داربڕینە.
بە مەبەستی پاراستنی لە هێرشی دەرەکی، فەرمانگەی ناوبراو وتی ماوەی ٢٢ ساڵە چاودێری ئەو پیاوە دەکەن.
لە ساڵانی ١٩٨٠ەوە جووتیاران، داربڕەکان و ڕاوچییەکان چوونەتە پەناگا و شوێنی خێڵە تەریکەکان و زۆریەک لەو خەڵکە ڕەسەنانە لە شوێنەکانیان یان ڕایان کردووە یان کوژراون. لە هێرشێکدا لە ساڵی ١٩٩٥، دوایین کەسەکانی خێڵەکەی کوژراون کە گومانی ئەوە هەیە لەلایەن شوانەکانەوە کوژرابێتن.
لە ساڵی ١٩٩٦ەوە کارمەندانی فەرمانگەکە هەوڵ دەدەن لێی نزیک ببنەوە، بەڵام پیاوەکە ناهێڵێت و تیریان بۆ دەهاوێژێت. هەربۆیە کارمەندانیش هەوڵ نادەن کە لێی نزیک ببنەوە و تەنیا لە دوورەوە چاودێری دەکەن و دانەوێڵە و کەلوپەلی بۆ بەجێ دەهێڵن کە بۆخۆی بیانچێنێت.
ئەم پیاوە چاڵێکی گەورەی بۆ ڕاگرتنی ئاژەڵ و خۆشاردنەوە دروست کردووە و هەر بەم هۆیەش پێی دەڵێن “پیاوی چاڵەکە”.
سەرچاوە:
https://www.livescience.com/63118-last-survivor-uncontacted-tribe-video.html
