لەم چەند ساڵەدا ئەوەی زۆر دەیبینین ئاگرتێبەربوونی دارستانەکانە. ئەم ڕووداوە لە کوردستانیش کەم نییە. بەم بۆنەوە باش دەبێت باسێکی کورت لەسەر کاریگەرییەکانی ئاگرتێبەربوونی دارستانەکان بکەین.
زیانە سەرەکییەکانی ئاگرتێبەربوون:
۱. سووتان و خەسار لێ کەوتنی گژوگیا و بەتایبەت دارستانە بارانییەکان کە ساڵانێکی زۆر دەخایەنێت تاوەکوو بگەڕێنەوە دۆخی پێشووی خۆیان.
۲. کوژران و برینداربوونی ئاژەڵەکان.
۳.داخوران و کڕاندن و هەروەها ڕاماڵینی قوڕ و بەردی ڕووبارەکان.
٤. ڕێگەخۆشبوون بۆ ڕوانەوەی هەرێسەکان و دەستدرێژی مرۆڤ و هێرشی ئاژەڵە وەحشییەکان.
جگە لەم زیانە سەرەکییانە کە دەبێت گرینگییان پێ بدرێت، ئاگرتێبەربوون هەندێک کاریگەری ئەرێنی هەیە کە بریتین لە:
۱.گەرمکردنەوەی خاک بۆ چەکەرەی دانەکان.
۲. ئازادکردنی دانەکان بۆ سەر خۆڵەمێشی تازە و بەپیت.
۳.دروستبوونی هێلانە و ماڵ بۆ ئاژەڵان بە بۆنەی پێکهاتنی کون و کەلەبەر لە ئاگرەکە.
ئێستا پرسیارگەلێ کە لەسەر ئەم بنبڕکردن و سووتانی زۆری دارستانەکانی کوردستان دێتە ئاراوە ئەوەیە کە:
چەندە شارەزایی لەسەر ژینگە و پێکبوومی کوردستان هەیە؟
بەرپرسان تا چ ڕادەیەک کەسی ئاکادێمیک بۆ ناسینی ژینگە بەکار دێنن؟
لەکاتی ئاگرتێبەربووندا، بەرپرسان بۆ کوژاندنەوەی ئاگر و ئاگادارکردنەوەی خەڵک چەندە ڕۆڵیان هەیە؟
یاوەکوو پشتگوێ خستنی بەردەوامی گرینگی ژینگە تا چەند ساڵی داهاتوو، کاریگەریی ڕاستەوخۆی لە سەر ژیانمان نابێت؟
ئامادەکردن:
هانا جاری
سەرچاوە:
https://www.environment.nsw.gov.au/topics/parks-reserves-and-protected-areas/fire/plants-animals-and-fire
