لەبەرچی شۆردنی ماددە خۆراکییەکان بە پاککەرەوەکانی ماڵەوە کارێکی باش نییە؟
ڤیدیۆیەک لە ڤان ویگن کە وەکوو پزیشکی بنەماڵە لە ولایەتی میشیگان ئیش دەکات بڵاو بووەتەوە و دەڵێت بە کەڵکوەرگرتن لە پاککەرەوەکان، زەنبیلی کڕینی خۆتان دژەگەن بکەن، بەڵام ئایا ئەمە کارێکی باشە؟
بۆ ماوەی ۶۰ ساڵە کە دەزانین کەڵکوەرگرتن لە پاککەرەوەی دەفری ناوماڵ دەبێتە هۆی ژەهراویبوون.
دوکتۆر بێنیامین چاپمەن پسپۆڕی ماددە خۆراکییەکان لە زانکۆی کارۆلینای باکوور دەڵێ خواردنەوەی پاککەرەوە بە هەر شێوەیەک دەتوانێت ببێتە هۆی ڕشانەوە و ئازاری گەدە.
لەڕاستیدا پێکهاتەی ئەم پاککەرەوانە خراپە بۆ گەدە و زیانی پێ دەگەیێنێت.
هەروەها دەڵێت لەجیاتی ئەوە دەتوانن ماددە خۆراکییەکان بە ئاوی سارد بشۆنەوە.
ئامادەکردن: هێمن موحەممەدیان
سەرچاوە:
https://www.livescience.com/do-not-wash-fruits-vegetables-with-soap.html
