کورتەی سەرنجڕاکێشترین هەواڵەکانی هەفتە
١.
وڵاتی چین تا ٢٠٢٠ مانگێک لەسەر پارێزگای سیچوان هەڵدەدات. ئەم مانگە ٨ بەرامبەری مانگی ئاسایی ئەو ناوچەیە ڕووناک دەکاتەوە، ئامانج ئەوەیە کە پێویست نەکات گڵۆپی شەقامەکان هەڵبکەن تا وزەی کەمتر بە کار بهێنرێت.
٢.
هەڵکشانی تەمەن خانەکانی جەستەمان دەخاتە ژێرکاریگەرییەوە. بەپێی توێژینەوەیەکی نوێ ئەو کەسانەی لە ناوەڕاستی تەمەندان ژمارەی خانەی بازدەر لە سوورنچێکیاندا لە ڕادەی ئاسایی زیاترە کە هەندێک لەم بازدانانە دەبنە هۆی شێرپەنجەی سوورێنچك.
٣.
فۆسیلی ماسییەکی هاوشێوەی ماسیی پیرانیا کە دەگەڕێتەوە بۆ ١٥٢ ملیۆن ساڵ دەریدەخات کە ماسییەکە ددانی تیژی هەبوون و خواردنەکەی لە گۆشتی ئاژەڵانی دەریایی دابین کردووە.
٤.
پیاوێك لە عەرەبستان، کە بە هۆی شێرپەنجەوە چارەسەری کیمیایی وەردەگرت، هەموو نینۆکەکانی ڕەنگیان گۆڕا بۆ قاوەیی. ئەم ڕەنگ گۆرینە بە هۆی زیادبوونی مێلانینە کە سەرچاوەی ڕەنگی گلێنەی چاو و موو و پێستیشە.
