لەوانەیە وا هەست بکەن کە هەرچی زانستوانێک دڵنیاتر و خۆبەزلزانتر بێت، واتای ئەوەیە خەڵک زیاتر متمانەی پێ دەکات!
بۆ ڕووبەڕووبوونەوەی هەڕەشە کۆمەڵایەتییەکان، متمانە بە زانستوانان لە لایەن کۆمەڵگەوە زۆر گرینگە. هەربۆیە گرینگە کە بزانین چ هۆکارگەلێک دەتوانن کاریگەرییان لەسەر متمانەپێکراویی زانستوانان لە کۆمەڵگەدا هەبێت.
لە وتارێکی نوێدا، کاریگەریی خۆبەزلزانینی هەستپێکراوی زانستوانان لە لایەن کۆمەڵگەوە لەسەر متمانەپێکراویی خۆیان و لێکۆڵینەوەکانیان هاتە بەر توێژینەوە.
لەم وتارەدا دەرکەوت کە هەرچی خاکەڕایی فیکریی زانستوانان زیاتر بێت، واتە هەرچی کۆمەڵگە هەست بە خاکەڕایی زیاتر لە زانستوانێکدا بکات:
١) متمانەی زیاتر بە ئەو زانستوانە دەکرێت.
٢) بڕوایەکی زیاتر بە توێژینەوەکانی ئەو زانستوانە دەکرێت.
٣) ڕێنوێنییەکانی ئەو زانستوانە زیاتر پەیڕەو دەکرێت.
ئەدی ئەگەر زانستوانەکە ژن یان پیاو بێت، جیاوازییەکی هەیە؟ نا.
لە وتارەکەدا هەروەها نیشان درا کە ئەم کاریگەرییانە بەبێ جیاوازیی جێندەر و ئێتنیک و نەتەوە بەردەوامە.
کەواتە چ ژن، چ پیاو، چ کورد و چ ئاڵمانی، چ دکتۆری پزیشکی و چ دکتۆری کیمیا، وەک زانستوانێک ئەگەر خۆبەزلزانیی فیکریت هەبێت ئەوە متانەی خەڵک پێت کەمتر دەبێتەوە.
ئەگەر خوازیاری بیستنی کۆمەڵێک ڕێکار بۆ نیشاندانی خاکەڕایی فکریت، ئەوە پێشنیار دەکەین هەمووی وتارەکە لەڕێی بەستەری خوارەوە بخوێننەوە.
ئێوەش ئەگەر ڕێکارێکی باشتان شک برد، بۆ خوێنەرانی بنووسن.
خاکەڕایی فکری intellectual humility
وەرگێڕانی ئازاد: ئاسۆ ڕەحیمزادەگان
هەڵەگر: هێمن عەبدوڵاپوور
