سەرچاوەی سەرەکیی زانست لە دنیای ئەمڕۆدا، ژورناڵگەلی داوەریکراون. ھەڵبەت زمانی ئەم ژورناڵانە زۆر پسپۆرانەن و تەنیا پسپۆڕانی ئەو بوارە دەتوانن بیخوێننەوە. بۆ ھاوبەشکردنی توێژینەوەکانی دنیای زانست لەگەڵ کۆمەڵگا، زۆر گۆڤار و ماڵپەڕی زانستی ھەن کە ئەرکیان وتنەوەی دۆزینەوە زانستییەکان بە زمانێکی سادە بۆ کۆمەڵگایە. ئایا ئەم گۆڤار و ماڵپەڕانە ھەموویان جێی بڕوان؟ بە دڵنیاییەوە وەڵامەکەی نەخێرە. زۆر بنکەی زانستی ھەن کە بە مەبەستی زیاترکردنی خوێنەرانیان، ھەوڵ دەدەن شتێکی ناڕاست یان زلکراوە وەک زانست دەرخوارد کۆمەڵگا بدەن. بۆیە ناسینەوەی سەرچاوەی بڕواپێکراو زۆر گرینگە. ئێوە ھەواڵە زانستییەکانتان لە کوێ وەردەگرن؟
لەم نووسراوەیەدا هەندێک لە سەرچاوە بەهێز و بڕواپێکراوە گشتییەکان کە لەلایەن دەستەی نووسەرانی هۆژین وەک سەرچاوەی گشتیی زانستیی جێمتمانە دیاریکراون دەناسێنرێن. دەستەی نووسەرانی گۆڤاری زانستیی ھۆژین بەپێی پرینسیپەکانی ئەخلاقی زانست، خۆی بەرپرس دەزانێ لە گەیاندنی ھەواڵی دروست و ىڕواپێکراو بۆ خوێنەرانی. ھەر بۆیە، نووسەرانی ھۆژین، بەر لە کەڵکوەرگرتنی ڕاستەوخۆ لە ژورناڵە زانستییەکان، ماڵپەڕی فەرمیی زانکۆ بەهێزەکانی جیهان، و کتێبە زانستییەکانی هەر بوارێک، لەم سەرچاوە بڕواپێکراوانەش کەڵک وەردەگرن.
زۆر جوان و تایبەتە
گەلێک جێی سەرنجە و بژی و ماندوو نەبوونی لە ھەموو ئەو کەسانەی دەستێکیان لەو کارە گەورەدا ھەبوو?
زۆر زۆر جێی ھیوا و ئاواتە بۆی
زۆر سپاس هاوڕێیان. جێی دڵخۆشییە