یەکەم پێکوتە(ڤاکسین)ی کۆرۆنا لە ڕووسیا!؟
پووتین وتی پێکوتەکە کاریگەر و دڵنیاکراوە و ھەموو تاقیکارییەکی پێویستی لەسەر ئەنجام دراوە.
بەڵام زۆر زانستوان و پسپۆڕی بواری تەندروستی بە گومانەوە دەڕواننە ئەم وتەیە. بەتایبەت دەوترێت کە ئەم پێکوتەیە فازی ٣ی تاقیکارییە نەخۆشخانەییەکانی، کە چەندین مانگ دەخایەنێت، تێنەپەڕاندووە.
پسپۆڕان لەو بڕوایەدان کە تاقیکارییەکان لەسەر ئەم پێکوتەیە بەپەلە ئەنجام دراوە و ئەمەش بووەتە ھۆی قرتاندنی بڕێک لە تاقیکارییە پێویستەکان.
بۆ پەسندکردنی ھەر پێکوتەیەک، پێویستە کۆمەڵێک تاقیکردنەوە لە چەند قۆناغدا ئەنجام ببێت کە دڵنیا ببینەوە کە پێکوتەکە کاریگەرە و زیانی نییە. ھەر قۆناغ، گرینگی و تایبەتمەندی خۆی ھەیە.
تا ئێستا تەنیا ٦ پێکوتە گێشتوونەتە قۆناغی ٣ی تاقیکارییە نەخۆشخانەییەکان. ھەڵبەت پێکوتەکەی ڕووسیا ھێشتا نەچووەتە ئەم قۆناغەوە.
ھەفتەی پێشوو، ڕێکخراوی تەندروستیی جیهانی، داوای لە ڕووسیە کرد کە بۆ دانەدەری پێکوتەی کۆرۆنا پێملی پێوەرە جیھانییەکان بێت.
پێکوتەکەی ڕووسیا زۆر درەنگتر لە پێکوتەکانی ئەمریکا، ئورروپا و چین گێشتە قۆناغی یەکی تاقیکارییە نەخۆشخانەییەکان، بەڵام تەنیا دوای ٢ مانگ، لەلایەن وەزارەتی تەندروستیی ڕووسیاوە پەسند کراوە!
کێشە سەرەکییەکە لەوەدایە کە، بەپێچەوانەی پێکوتەکانی تر، توێژەرانی ڕووسی لە ئەنستیتووی گامالێیا، تا ئێستا ھیچ دراوەیەکیان لە تاقیکارییەکانیان بڵاو نەکردووەتەوە.
ئامادەکردن: ئاسۆ ڕەحیمزادەگان
وشەکان:
پێکوتە Vaccine
نەخۆشخانەیی clinical
گامالێیا Gamaleya
دڵنیاکراو safe
دراوە data
سەرچاوە:
https://www.dw.com/en/russia-registers-worlds-first-coronavirus-vaccine-putin-announces/a-54524385
