هەسارەی K2-18 b، هێندەی ٨.٦ی قەبارەی زەوی گەورەیە و بە دەوری ئەستێرەی K2-18 دەسووڕێتەوە و ١٢٠ ساڵی ڕووناکی لە زەوییەوە دوورە.
لێکۆڵینەوەیەکی نوێی تەلەسکۆپی جەیمس وێبی ناسا لە K2-18 b بوونی مۆلیکولی هەڵگری کاربۆن وەک میتان و کاربۆن دی ئۆکسایدی ئاشکرا کردووە.
زۆربوونی میتان و کاربۆن دی ئۆکساید، هاوکاتلەگەڵ کەمبوونی ئامۆنیا، ئەو گریمانەیە پشتڕاست دەکەنەوە کە ڕەنگە دەریایەک لە ئاو لەژێر بەرگەهەوایەکی پڕ لە هایدرۆجین لە K2-18 bدا هەبێت.
هەرچەند لە K2-18 b مۆلیکولی هەڵگری کاربۆن دۆزراوەتەوە، بەڵام ئەمە بەو مانایە نییە کە هەسارەکە بتوانێت ژیان مسۆگەر بکات.
هەسارەیەکی وەها گەورە بە تیرەی ٢.٦ هێندەی تیرەی زەوی، وا دەگەیەنێت کە لەوانەیە هەسارەکە لەژێر پەستانی بەرزی سەهۆڵیندا کاکڵێکی گەورەی تێدا بێت، وەک نیپتۆن، بەڵام بەرگەهەوایەکی تەنک و پڕ لە هایدرۆجینی هەبێت و توێکڵێک کە دەریا و ئۆقیانووسەکان دایانپۆشیوە.
ئەگەری ئەوەش هەیە کە ئۆقیانووسەکان بۆ ئەوەی ئاوێکی شلیان هەبێت یان شوێنێک بن بۆ نیشتەجێبوون و ژیان، زۆر گەرم بن.
وەرگێڕ: کەریم بایرامی
چاودێری زمانی: سروە ئەمین ساڵحی
James Webb Space Telescope
Carbon-bearing molecules مۆلیکولی هەڵگری کاربۆن
Ammonia ئامۆنیا
Atmosphere بەرگەهەوا
Diameter تیرە
Under high-pressure لەژێر پەستانی بەرز
