Close

یەکەم ڕۆبۆتی چوارپێی تایبەت به ڕێپێوانی مەریخ

یەکەم ڕۆبۆتی چوارپێی تایبەت به ڕێپێوانی مەریخ

گەرچی ڕۆبۆتی چەرخدار هاوسەنگتر و خۆڕاگرترە، بەڵام ئەم ڕۆبۆتە چوارقاچە، دەتوانێت به هەندێک شوێندا بڕوات که ڕۆبۆتی چەرخدار پێی ناکرێت.

ئەو ڕۆبۆتانەی تا ئێستا بۆ ڕێپێوانی مەریخ دروست کراون لە یەک تایبەتمەندیدا هاوبەشن، ئەویش ئەوە کە هەموویان تەگەریان هەیە.

زانایانی زانستگەی ETH Zürichی سویسرا به هاوکاریی زانایانی ڕێکخراوەی ماکس پلانک له ئەڵمانیا، لەسەر ڕۆبۆتێکی چوارپێ بە ناوی SpaceBok کاریان کردووه و گەیشتوونەتە دەرەنجامی دڵخوازی خۆیان.

ئەم ڕۆبۆته تایبەتە بۆ ڕێپێوانی ڕێگەی بەردین یا زیخەڵان، هەروەها بۆ ڕێگەی هەوراز و نشێوی سەر مەریخ دروست کراوه که لەوانەیە ڕۆبۆتێکی چەرخدار نەتوانێت پێیدا بڕوات.

لە تاقیکردنەوەکاندا ئەم ڕۆبۆته توانیویەتی لەسەر ڕووبەرێکی لار به گۆشەی ٤٥ پله -که بۆ ئەوەی بارودۆخی سەر مەریخ هاوشێوەسازی بکرێت، به زیخ داپۆشرابوو- بەرەوسەر، بەرەوخوار و هەروەها به شێوەی ئاسۆیی ڕێپێوان بکات.

ئامادە کردن: کەریم بایرامی
پێداچوونەوەی زمانی: ئەمیر ئارمانی

سەرچاوە :
https://interestingengineering.com/meet-spacebok-the-first-four-legged-robot-set-for-mars

Related Posts

وەڵامێک بنووسە

پۆستی ئەلکترۆنیکەت بڵاو ناکرێتەوە .