له دیاردەیەکی دەگمەنی ئەستێرەناسیدا کە سبەینێ ۹ی ڕەشەمە ڕوو دەدات، شەش هەسارە هاوکات لە ئاسمانی شەودا لە یەک ڕیز، واته به شێوەیەکی هاوتەراز بەدی دەکرێن.
ئەو هەسارانە بریتین لە زاوە¹، ڤێنووس، موشتەری، زوحەل، ئورانووس و نێپتۆن.
ئەم چەشنە لە هاوتەرازی و ڕیزبوونە زۆر کەم ڕوو دەدات، چونکە دەبێت خولگەی تەنە ئاسمانییە جیاوازەکان هاوکات لە یەک ڕووبەردا بن کە ئەمەش پەیوەندی بە ڕێڕەو و خێرایی هەر هەسارەیەک لە ئاسماندا هەیە.
باشترین کات و شوێن بۆ بینینی ئەم دیاردەیە، ٣٠ خولەک تا یەک کاتژمێر دوای خۆراوا و لە شوێنێکی تاریک و دوور لە ئاوەدانییە.
ڤێنوس و موشتەری بە هۆی ڕووناکیی زۆر بەئاسانی و بەبێ تەلەسکۆپ دیار دەبن. زوحەلیش کە ڕووناکی کەمترە هەر دیارە، بەڵام ئورانووس و نێپتۆن دوورترن و بۆ دیتنیان تەلەسکۆپ پێویستە.
هەروەها بۆ دۆزینەوەی ساناتر، دەکرێ چەند کۆئەستێرە* وەک نیشانە و ئادرەس بەکار بهێنرێن کە بریتین لە کۆئەستێرەی نەهەنگ²، گا³و دووانە⁴.
بوونی مانگ لەوانەیە بینینی ئەو هەسارانەی کە ڕووناکیان کزترە، ئەستەم بکات.
بە درێژایی ئەم ساڵ واتە ساڵی ۲۰۲۶، هاوتەرازبوونێکی دیکەش ڕوو دەدات، بەڵام سەرنجڕاکێشترینیان هی سبەبنێیە.
وشەکان:
1)Mercury
2)Pisces
3)Taurus
4)Gemini
*constellation:
(کۆی ئەستێرەکان لە ئاسمانی شەوانەدا دیمەن یان ڕووخسارێک پێک دەهێنن و لە ڕووبەری ئاسماندا دابەش دەبن. ئەم دیمەنانە یارمەتی توێژینەوەی ئەستێرەناسەکان دەدەن و ئاسانکارییان بۆ دەکەن. یەکێتیی جیهانیی ئەستێرەناسان لە ساڵی ۱۹۹۲ی زایینیدا، کۆئەستێرەکانیان بەسەر ۸۸ شێوە یان ڕووخساری ئاسمانیدا، دابەش کرد).
مەهسا ئیسافی
