پێواژۆیەک بۆ گۆڕینی پاشماوەکانی کەرەستەی پاراستنی تاکەکەسی بۆ بەرهەمی لاوەکیی بێخەسار، ئاڵوگۆڕێکی گەورە بۆ کێشەی بوونی ئەو کەرەستەگەلە لە شوێنی کۆکردنەوەی پاشماوە شارییەکان دەبێت.
دەمامکە دڕاوەکان، ڕووپۆشەکان، دەستەوانە پزیشکییەکان و چاویلکە پلاستیکییەکانی پاراستن دەنێردرێنە ناو مەکینەیەک و بە ئاوی گەرم و تەوژمدراو و هەوای پەستراوەوە تێک دەقرمێن.
ئاو و ئەسێتیک ئەسید بەرهەمی کۆتایین.
گۆڕینی کەرەستەی خۆپارێزی بۆ ئەم تراوە، لە تینی ٣٠٠ دەرەجە و بۆ ماوەی یەک کاتژمێر لە تاقیگەی زانکۆدا ئەنجام دراوە. بەرهەمی لاوەکیی ئەم پێواژۆیە ئۆکسیجن و دی ئۆکسیدی کاربۆنن.
تەکنۆلۆژیای ئەم پێواژۆیە تێکشکاندنی هایدرۆتێڕماڵ یاخود پێواژۆی نرخاندنە و ئەم پێواژۆیە پاشماوەکان بەتەواوی لەناو دەبات.
تراوی بەرهەمهاتوو لەم پێواژۆیە هێمنە، دەتوانرێت کەڵکی لێ وەربگیرێتەوە.
سرکە یان ئەسێتیک ئەسید دەکرێت بۆ دژەگەنکردنی ڕووبەرەکان بەکار بهێنرێت و ئاوی بەرهەمهاتووش دەکرێت پاش پاڵاوتن لە سووڕی پێواژۆیەکەدا کەڵکی لێ وەربگیرێتەوە.
ئەم پێواژۆیە لە زانکۆ و بە یارمەتیی زانکۆی زانستە پزیشکییەکان و زانکۆکانی ئۆتاگۆ و واترلۆی وڵاتی کەنەدا پەرەی پێ دراوە.
ئەمە یەکێکە لەو دوو ڕێگەچارە داهێنەرانەیە کە بۆ چارەسەرکردنی گرفتی پاشماوە خۆپارێزییەکانی کاتی کۆرۆنا لەلایەن ناوەندی تەندروستیی جیهانییەوە پەسند کراوە.
process: پێواژۆ
PPE: کەرەستەی خۆپارێزی، کەرەستەی پاراستنی تاکەکەسی
acetic acid: ئەسێتیک ئەسید، سرکە
hydrothermal deconstruction: تێکشکاندنی هایدرۆتێڕماڵ
valorisation process: پێواژۆی نرخاندن
disinfecting: دژەگەنکردن
World Health Organisation: ناوەندی تەندروستیی جیهانی
liquid: تراو
وەرگێڕان: فاڕووق ئەحمەدی
چاودێری زمانی: حەسەن مووسازادە
