لە مانگی مارسی ٢٠١٩دا کۆمپانیای تۆیۆتا و ئاژانسی لێکۆڵینەوەکانی بۆشایی ئاسمانی ژاپۆن (JAXA) ڕایانگەیاند کە بە چەشنی هاوبەش لەسەر دروستکردنی ئامرازێک بۆ هاتوچۆ لەسەر مانگ کار دەکەن.
ئەم مانگ-گەڕۆکه ئێستا ناوێکی فەرمی هەیە: Lunar Cruiser. و ئەو ناوەشی بۆ ڕێزلێنان لە لەندکروزێر، ئۆتۆمبێلی ئەفسانەیی سەر زەوی لێ نراوه.
تۆیۆتا لونارکروزێر، ئامرازێکه کە ٦ چەرخی هەیە و تایبەت بۆ هاتوچۆی سەر مانگ دروست کراوه. ٦ مەتر درێژه، ٦٣٠٠ کیلۆ قورسایی هەیە و هەڵگری تەنیا ٢ کەسە.
ژاپۆنییەکان هیوادارن تا ساڵی ٢٠٤٠، مانگ بکەنە بنکەیەک بۆ ژیانی مرۆڤ. هەنگاوی دواتر ژیان لەسەر مەریخه!
ئاژانسی JAXA دەیهەوێت تا پێش ساڵی ٢٠٢٩ ئەم مانگ-گەڕۆکه بنێرێتە سەر مانگ.
تۆیۆتا کە پلەی یەکەمی بەرهەمهێنانی ئۆتۆمبێلی لەسەر زەویی هەیە، بەم شێوەیە لەسەر مانگیش ئەم پێگەیە بە دەست دەهێنێت!
وەرگێڕ: کەریم بایرامی
چاودێری زمانی: محەمەد محەمەدی
